Chhavié

Naam se hi hai woh, ek aks, ek parchhai jo hamesha saath rehti hai.

Sirf mere hi nahi, apne har dost aur apno ke liye woh ek sacha saathi rahi hai.

Komal si aankhein, ek masoom chehra, Aur woh shaitani hansi jisme bachpana chhupa hai - Ek aisa bachpana, jise dekh kar Uske liye dil mein pyaar aur bhi ubhar aata hai.

Apno ki fikar mein woh hamesha aage khadi milti hai, Unki ladaiyon mein saath deti hai, dekhbhaal karti hai. Magar jab baat khud ki aati hai... toh bilkul bekhabar rehti hai. Sach toh yeh hai, thodi si ‘jhalli’ hai woh.

Maa jaisa dil rakhti hai - Beintehaa pyaar karna toh jaanti hai, Magar wahi pyaar jab khud par nisaar ho, toh thoda hichkichati hai.

Aisi hi hai woh... Humari pyaari si, apni Chhavié.