Pyaar Se Darr Ya Khud Se?

Socha tha kabhi pyaar ko mauka nahi dunga kyunki ateet aisa raha hai jahan pyaar sirf ek tarfa raha aur kiya.

​Kabhi unhein ladkiyon mein dilchaspi thi...

Kabhi main unke type ka nahi tha...

Kabhi woh mujhse sirf mera shareer chahte the...

Kabhi woh mujhse sirf manoranjan chahte the...

​Unki bhi kya hi galti, unke door jaane ke darr se main insaan se manoranjak ban jaata. Iss darr se ki mere shaant hone se, unki mujh par jo dilchaspi hai woh kam na ho jaye.

​2024 mein maine ek tarfe pyaar ko apne se alag kiya apne naye safar ki shuruwat ke liye. Aaj 2026 mein lag raha hai maano pyaar dastak de raha hai, tab mere mann ne mujhse ek hi sawal kiya hai...

​Kya tum is aane wale pyaar ko apna paoge?

​Toh kahin na kahin mujhe pyaar aur khud se, dono se hi darr hai... Jab dil toota tab meri poori neev par asar hua tha... Khud se darr isliye kyunki meri khaamiyon se kahin main uss pyaar ka dil na tod doon.